حريق منزل في مساكن القطيفة

ما ان اشتعلت النار في احد المنازل في المساكن حتى هب الجميع للمساعدة كما هي العادة او للفرجة اي شو كل يوم رح يحترق عنا بيت نحنا
المهم ....
متل العادة تم الاتصال بالاطفاء للقدوم لاخماد الحريق
و إذ بفوج إطفاء القطيفة قادم للسيطرة ع الحريق مع العلم ان فوج اطفاء القطيفة مكون من سيارة واحدة موديل ال60 ومتل ماتعودنا دائما وصل اطفاء دوما واطفاء القابون قبل اطفاء القطيفة مع انو الحريق بأرضنا و بين جمهورنا
وبالاخير و بعد ما انطفت النار والشباب ضبو العدة وبدهن يروحو .....
و إذ بصوت جبار زلزل الارض التفت الجميع ليشوفوا شو صاير ولا اطفاء المساكن قادم بأقصى سرعة و بكامل العدة و العتاد ولكن للاسف ومتل كل مرة كسروا بخاطرن وقالولن هدا حريق صغير اتسلينا فيه نحنا وطفيناه انتو خليكن للمهمات الكبيرة
انا باسمي وباسم كتير شباب بدنا نطالب انو نعطي فرصة لاطفاء المساكن ليشارك بإخماد الحرائق يلي عم تصير عنا يعني مو معقولة كل مرة يجو عالم ما الن علاقة فينا وياخدولنا حرائقنا
وبالتوفيق لاطفائية المساكن ونحنا وراكي عم ندفش عفوا ونحنا وراكي صامدون