الدوري السوري أكبر مسخرة ......

يا جماعة يا ناس ...
هدا مو دوري هدا مسخرة حرام الواحد يضيع دقيقة ع هيك دوري تافه
يلي شاف مباراة حطين وتشرين بيعرف
انا عندي استفسار ليش تشرين هو النادي الوحيد بسوريا يلي سجل 3 لاعبين محترفين ع كشوفو ( قصي منير - ابودي إيفيه - زكريا سيموكوندا ) ما حدا يجي يقول إيفيه هرب أولاً هي مشكلة النادي مو مشكلتنا ثانياً إيفيه لسه ما فسخولو عقدو معناتها تشرين عندو 3 لاعبين محترفين وهدا مخالف لنظام الدوري السوري
ثانياً بأي حق يجلس معاوية جعفر عضو أتحاد كرة القدم بجانب الحكم الرابع ومراقب المباراة وهو الرئيس السايق لنادي تشرين وعلى مايبدو هالجلوس جاب نتيجة عن طريق ضربة الجزاء الخيالية لتشرين
ثالثاً بس بدي أعرف وين المباراة بالموضوع ما كانت كلها صافرات و أخطاء والفريقين عم يلعبو هوشة عرب وطجت لعبت فوضى ما بعدها فوضى من الفريقين ما في خطة مافي مستوى ما في إلتزام
هيثم جطل انا كنت من أكثر الناس يلي بحترمك بس المنظر يلي شفتك فيه اليوم عيب و أكبر عيب يا مدرب يا كبير يا أكاديمي يا خريج كلية التربية الرياضية ولك إذا أنت عم تقاتل والعالم عم تهديك فما العتب ع لعيبتك و لا ع جمهورك يا أكاديمي وبعدين ليش هالعصبية إذا فريقك ما أدى شي ولا لعب ع الاقل حطين ضيع كم فرصة
حطين ......... : شو هدا يا حطين شو هدا يا إدارة فاشلة قال ضل عبد الناصر مكيس يحضر الفريق 3 شهور وبعدين من أول لعبة اقالوه و دون وجود البديل و الله أكبر مسخرة و أفشل إدارة
مباراة فاشلة تعكس الدوري الفاشل
دوري مسخرة مستوى متدني لاعبين حتى دون مستوى الهواية ولكن اسمهم محترفين
حكام فاشلين و أكبر دليل انو حكامنا فاشلين لما بشارك منتخب سوري او اي نادي سوري شوفو لاعبينا كيف بياخدوا بطاقات ع شغلات تافهة متل الاعتراض نحنا يا جماعة بسوريا كلها ما عنا حكم بيسترجي يرفع بطاقة حمرا بالشوط الأول ولك ضربة الجزاء يلي أخدها حطين كان لازم يرافقها بطاقة حمرا للاعب التشريني ويلي بقول غير هيك بكون مو شايف طابة بحياتو
و بالاخير بس بدي قول شغلة ع الاغلب المباراة كان متفق عليها انو تنتهي تعادل واذا كان هيك فهدا أسوأ و أفشل دوري في العالم و عنجد حاج مسخرة حيبو عالم تفهم بالرياضة تعمل رياضة بالبلد وحاج عايشين ع الطفرات