عنجد هي اسمها قلة ذوق .....

ما بعرف ليش في ناس بتحب انو تنسب او ما بعرف شو ه الاحساس الرائع يلي عم يحس فيه واحد عم يزعج الناس الساعة 1 بالليل
شو المغذى انك تطلع ع دراجتك النارية و تبلش بأصوات مزعجة متل الصفير و الصراخ و لك مابكفي صوت هالمتور
عنجد عيب و فمة العيب العالم كلها عم تتطور ونحن عم نتخلف شو هالتفاهة ما عم اعرف
فهمنا بمر واحد و اتنين و عشرة بالنهار حاطين أغاني و ع أعلى صوت و أحيانا بكون حاطط أغنية أجنبي مو فهمان راسو من رجليه لأ و بتكون الاغنية بتسب عليه و ع يلي عم يسمعها لأ و بتشوفو مبسوط عم يوزع ابتسامات بس بلعناها قلنا الزلمة عم يسمع موسيقا بجوز هو بحبها
بس فهموني هدا يلي عم يصفر و يصرخ شو نسيان ياخد الابرة يعني
خلص حاج عنجد بكفي خلونا نتطور شوي لسه كل مانا لورا
يا شباب وهدا الكلام لكل انسان مذوق و محترم و بيتمنى التطور لنفسو و لهالبلد الحلوة خلونا نحارب هالمظاهر المتخلفة و لو بكلمة
بتمنالكن نوماً هنيئاً لانو انا حرمني منو هال ...... المحترم